Khongolose Khommanding Khommissars e phadima ka letago la dipapadi tša sefala ka bomenetša le boganka bja dipolitiki
Modumokgole ore gopotša dikošana tša sebjalebjale tša ntwa tšeo di bonagatšago dikopelo tša tokologo tša mehleng ya kgethologanyo. Sete ya sefala e tloga e le bonolo, ka panka e tee yeo e apešitšwego ka bothakga le tharollo ya go swana le ya legonye fase le lebotong. Seripa se tee sa tharollo se rapaletše ka ntle ga khapete - seripa seo se sa bewago gabotse seo se šišinyago gore go na le selo seo se hlaelelago. Tlhagišo ye ya sefala e šišinya gore toka go badiidi ke seripa seo se hlaelelago. Lebati leo le bonešitšwego ka lehlakoreng le letona la lebota le šoma bja ka lefelo la go boloka beine le bjala.
Khongolose Khommanding Khommissars - mošomo wa sefala wo o ngwadilwego ke J Bobs Tshabalala, Mothopasefoka sa Botaki sa Mofsa sa Standard Bank wa Sefala 2020 - o laolwa ke Theatreduo, Mahlatsi Mokgonyana le Billy Langa elego Bathopasefokammogo Sa Botaki sa Mofsa sa Standard Bank sa Sefala 2022, o thušwa ke Ketsia Velaphi. Pontšo ye e dirwa lefelong le legolo la John Kani Theatre la Market Theatre. Kgegeo ye ya dipolotiki ye e hlohleletšago go nagana e phedišwa ka bokgabo ke sete ye e makatšago ya Denis Hutchinson le tlhamo ya mabone, gammogo le diaparo tša Lethabo Bereng le mokgabišo. Go raragana ga sengwalwa go tšweletšwa ka bokgoni ke maloko a batšeakarolo Lebohang Motaung bjalo ka QINISO NXUMALO, Moagi Kai bjalo ka MXOLISI MTHEMBU, Xolile Gama bjalo ka RONALD MULAUDZI, Tshireletso Nkoane bjalo ka TSEBO RAPOO, le Anelisa Phewa bjalo ka SQALO HOKO.
Moagi Kai ka Mxolisi Mthembu. Seswantšho: Mark Wessels.
Polelo ya seširo ye e sa tlwaelegago le ye e kgethegilego - polelo ye kopana yeo e dirilwego ka go bolela ka lentšu gateetee ka morago ga tiragatšo, ka kakaretšo ka pele ga dikgaretene tše di tswaletšwego tša sefala - e fiwa ka segalo seo se tletšego dipolotiki. Mantšu a ‘Tiro ye ya phetogo e ka se tšweletšwe thelebišeneng’ a kwewa pele mabone a kgahliša batheetši.
Segalo se se lego sefaleng se fapantšhwa le pontšho lebotong ya tsopolo ya Franz Fanon mabapi le bo-bourgeoisie. Kgato ya go itshepa ya monna wa mothomoso yo a aperego sešira-sefahlego se sešweu e latelwa ke batho ba babedi bao ba aperego diaparo tša maemo a godimo le dieta tše di phadimago gabotse. Ba swere konsarata ya ‘dipolelwana tša lefeela’ go hlompha ‘ntona ya polotiki’ ya bona, e sego go uta matshwenyego a bona ka kgonagalo ya go lahlegelwa ke mahumo a bona. Ba tsebatša go tloga mathomong gore ba ka se boele bodiiding. Smuts Ngonyama, mmoleledi wa peleng wa ANC, o boletše gore "ga se a sokolela go ba modiidi" mo e nyakilego go ba mengwagasome ye mebedi ye e fetilego ge a be a šireletša go tšea karolo ga gagwe lenaneong la dišere la Telkom BEE leo le bego le tla mo putsa go fihla go R160 milione ka morago ga thekišo ya dishere tša mmušo.
Anelisa Phewa ka Sqalo Hoko le Lebogang Motaung ka Qiniso Nxumalo. Seswantšho: Mark Wessels.
Khongolose Khommanding Khommissars, Tshabalala o hlahloba sebopego sa dipolotiki, e lego letata leo le raraganego la bomenetša ka bahlankedi ba dipolitiki nageng ya Afrika Borwa, a šomiša mohwa wo o swanago wa go godiša wa ka morago ga bokoloniale yeo Ngugi wa Thiong'o a e šomišitšego pading ya gagwe ya Wizard of The Crow.
Le ge kanegelo e beakantšwe ka gare ga Repabliki ya Aburiria ye e lokologilego yeo e naganwago, baanegwa ba padi ya wa Thiong'o ba rwele go swana mo go sa belaetšego le boradipolotiki ba Afrika Afrika Borwa ya lehono, bao ba dirago kgwebo ya bona ya go šireletša beng ka bona le go šireletša bomenetša bja yo mongwe le yo mongwe le mehuta ka moka ya bomenetša . Tshabalala o re fa banna ba bane bao ba ikemišeditšego go ya botelele bjo bongwe le bjo bongwe - ka mareo a tikologo ya bjale ya dipolotiki - go thoma baetapele ba ka moso ba bafsa bao ba se nago molato go hula matlotlo a mmušo. Ga go na phapano kanegelong ya wa Thiong'o, moo boraro bja matona a go segiša ao dikalatšhane ona a ithaopago go dira phetošo ya mmele ya bona ye e makatšago - yo mongwe le yo mongwe a dumela go godiša mahlo a gagwe, ditsebe goba leleme ka go buiwa, go kaone kudu go bona manaba a dipolotiki a Mmuši, a kwa bona maanomabe, goba go phatlalatša tutuetšo ya gagwe. Ka sekgoketšane goba ka go kgopamiša, banna ba bane ba šireletša Molaodi wa bona.
Banna ba ba bane ga se badudi ba tlwaelegilego, eupša go e na le moo ke bagale ba ba kgabišitšwego. Ka go thelela polelo ya bonokwane ka tlotlontšu ya morethetho wa sereto, maano a bona ke go fepa dimpa tša bona tša dipitša go e na le go fepa badiidi le bao ba gateletšwego. Ba be ba na le leano la go tliša lefotwana le lefsa go ba thuša ka go thopa dithoto tša mmušo. Lenong leo le fofago le bontšhwa lebotong, leo le kgokagantšwego le mošomo wa bokgabo wo o foreimilwego wa Morena Nxumalo wo o swanago le beng ba go penta ba Madache. Monyakišiši goba mmegaditaba o laletšwa ka gae gomme o hlohleletšwa go nyatša le go folotša ditatofatšo tšeo, eupša o tsebišwa gore maikemišetšo ke go mo tsenya ka gare ga tshepedišo. Morena Sxalo Hoko mathomong o ile a omiša hlogo le go raragana ka go bololla, eupša mafelelong o ile a gokwa le go tanywa ka tshepedišo. Se se ile sa dirwa gore se kgonege ka go reka tšhokolete le matšoba bakeng sa mosadi wa gagwe Zoleka. O ile a kgethwa go ba Molaodi wa Bohlodi. Ke rata go lekanyetša go kgoma ga domain ya ka.
Tiragatšo ye e na gape le Mohlomphegi Rikhotso, Tona ya Borakgwebopotlana, yo go thwego o na le botho go bahlankendi mmogo. Monna yo ore go ja jela le bangwe. O hlaloswa e le motaki wa bofora yo a ka botwago. Balaodi ba ba dula ba tšhogile lentšu la ‘lezenke,’ leo le šupago bodiidi. Go ngwadilwe felotsoko gore "go tšea motse go efoga bophelo bja bohlaki." Boitlhamelo bja bona bo ba hlohleletša go hlama ditsela tše mpsha tša go thopa mmušo, go swana le maitapišo a Sekhwama sa Bafsa sa Umsombovu, seo se hlotšwego go matlafatša bafsa ba Afrika Borwa morago kua ka 2001.
Ge tiragatšo ya metsotso e 90 e fihla mafelelong, go tšwelela sebopego se sefsa, sa go hloka tlhaologanyo le se bogale seo se swantšhitšwego ke Moagi Kai; re botšwa gore o tšwa ditheong goba makaleng a fase a mokgatlo. O dumedišwa ke Morena Hoko, yo ga bjale a tsebago gabotse "tshepedišo." Ka nako e itšego, re eteletšwe pele leetong la kamoo bo-radipolitiki ba bagolo ba fehlago mpholo madinga bafswa, e lego seo se feleletšago ka baetapele bao ba sa kaonefaditšago eupša ba go fokolago bakeng sa bokamoso. Seripa se sa bokgoni se tla dira gore o nyake go se bogela kgafetšakgafetša. Ga go fao o ikwago o tšwafa ge o se bogetše.
Papadi ye e butšwe ka la 26 Phatho gomme e tla phethwa ka la Dibatsela 2023. Go dira dipeeletšo tša diboloko le go botšiša ka ditheolelo hle ikopanye le Anthony Ezeoke 011 832 1641ngwala 203/ 083 246 4950
Go hwetša tshedimošo ye nngwe, dipoledišano le diswantšho, ikgokaganye le:Molaodi wa Mošomo wa Leina le Dikgokagano: Lusanda Zokufa 072 367 7867 goba lusandaz@markettheatre.co.za
Khehla Chepape Makgato ke motaki wa dipontsho yo a ikemetšego, motšweletši wa ditiragatšo, mongwadi wa bokgabo le morutiši, mohlokomedi le monyakišiši. O na le Lengwalo la Master ka Bokgabo bjo Botse go tšwa Yunibesithing ya Witwatersrandgomme o bontšhitše mošomo wa gagwe mo nageng le boditšhabatšhabeng. Ke Mohlokomedi yo Mogolo wa William Humphrey’s Art Gallery ka Kimberly le Mokgethwa wa PhD ka Lefapheng la Bokgabo le Mmino Yunibesithing ya Afrika Borwa le mohlokomedi wa bokgabo wa Imbiza.
Comments
Post a Comment